Esou stellt sech dat virleefegt Walresultat vum Senat duer. 51 Sëtz ginn do benéidegt fir d'Majoritéit ze kréien. Nach net ausgezielt sinn Alaska a Mississippi.
See one new update
See new updates
new updates
China: "Midterms betreffen amerikanesch Innepolitik"
Dat sot d'aussepolitesch Porte Parole vun der chineesescher Regierung.
"China ass bereet, weiderhi mat den USA zesummenzeschaffen, fir de wichtege Konsens, dee vun deenen zwee Staatscheffen erreecht gouf, oprechtzeerhalen an ëmzesetzen, d'Kommunikatioun ze stäerken an d'Differenzen op eng adäquat Manéier ze geréieren", esou nach d'Mao Ning.
Demokrate gewannen och zu Michigan
Do konnt sech den Abdul El-Sayed géint de Republikaner Mike Rogers duerchsetzen. Domat gëtt hien den éischte muslimesche Senateur an den USA.
Virun der Wal war et am Lager vun den Demokraten Opreegung gi well d'Demokratin Haley Stevens virgëschter nach hier Supporter dozou opgeruff huet fir de Republikaner Rogers ze stëmmen.
Deputéierte vun den Demokraten dreet de Republikaner: "Huelt iech Affekoten!"
Domat spillt den Deputéierten aus dem Representantenhaus Robert Garcia elo schonn dorop un, datt een déi nei Majoritéit am Kongress och dofir notze kéint, fir eng Enquête géint den US-President Donald Trump a seng Regierung anzeleeden.
Ex-President Obama äussert sech
Den US-President vun 2008-2016 Barack Obama (D) huet op X vun enger däitlecher Botschaft vun den Amerikaner:inne geschwat.
D'Leit wéilten eng Politik, déi Mënschen zesummebréngt an net auserneen dreift an e Leader, dee konkreet Léisunge fir hier Problemer géif ubidden.
Wäert vum Dollar fält
Wéinst der Angscht vu politesche Blockaden no der Victoire vun den Demokrate verléiert den Dollar op aner wichteg Währungen.
Géint de japanesche Yen huet den Dollar 0,34% verluer.
Och d'Bedenken, datt ënner den Demokraten e manner favorabelt Ëmfeld fir Kënschtlech Intelligenz geschaf gëtt, wierkt sech op d'Bourse aus, beispillsweis a Japan.
Trump suggeréiert anert Resultat wann een hien hätt kënne wielen
Wann hien um Walziedel gestanen hätt, hätten d'Republikaner haushéich gewonn, esou den US-President op Truth Social.
Donald Trump gesäit Grond fir Resultat och beim Irankrich
Dat sot hien an engem Telefonsinterview beim konservative Sender Fox News.
Iwwerdeems huet hien d'Demokrate gelueft: "Si hätten e gudden Job gemaach", esou den US-President.
Am Mississippi deit sech e Photofinish un
Am roude Bundesstaat leie béid Kandidate fir de Senat nämlech bei 48,9 Prozent. Dat nodeems 97 Prozent vun de Stëmmen ausgezielt gi sinn.
A Michigan setzt sech den Demokrat Abdul El-Sayed iwwerdeems e Stéck of. Dat nodeems 63 Prozent vun de Stëmmen ausgezielt goufen.